Presidenti ukrainas, Volodymyr Zelensky, ka deklaruar se Shtetet e Bashkuara dhe Britania e Madhe nuk kanë dhënë autorizimin për përdorimin e raketave me rreze të gjatë veprimi në objektiva brenda Rusisë. Sipas tij, ky qëndrim i aleatëve perëndimorë buron nga frika për një përshkallëzim të armiqësive.

Këto komente Zelensky i bëri përpara një vizite të rëndësishme në SHBA, ku pritet të takohet me presidentin Joe Biden, zëvendëspresidenten Kamala Harris dhe ish-presidentin Donald Trump. Ukraina ka kërkuar vazhdimisht leje për të përdorur armë me rreze të gjatë për të goditur objektivat ruse, por deri tani kjo kërkesë nuk është pranuar.

“As Amerika dhe as Britania nuk na dhanë leje t’i përdorim këto armë në territorin e Rusisë, në asnjë objektiv, në çdo distancë,” tha Zelensky, duke shtuar se “mendoj se ata janë të shqetësuar për një përshkallëzim.”