Gara paraprake e Partisë Demokrate në Nju Hempshër përfundoi me një fitore të padiskutueshme për Presidentin Joe Biden, megjithëse emri i tij nuk ishte pjesë e fletës së votimit.
Presidenti Biden nuk ka pranuar të paraqitet në fletën e votimit në Nju Hempshër, duke shpjeguar se shteti nuk ka pranuar kërkesën e demokratëve për të filluar zgjedhjet paraprake nga shteti i Karolinës së Jugut.
Fitorja në Karolinën e Jugut ka qenë një ndihmë e madhe për Biden në zgjedhjet paraprake demokrate të vitit 2020, duke i siguruar atij një fillim të fortë edhe pse ka hasur në disa sfida në shtetet e tjera.
Në zgjedhjet paraprake të vitit 2020 në Nju Hempshër, Biden ishte i pesti në listën e kandidatëve demokratë. Megjithatë, demokratët e shtetit thonë se ligjet lokale kërkojnë që ata të organizojnë zgjedhjet e para paraprake, dhe për këtë arsye, votat për Biden duhej të shkruheshin me dorë nga votuesit.
Edhe pse Biden tani është përqëndruar kryesisht në garën e përgjithshme, ai ka planifikuar të marrë pjesë në garat paraprake të demokratëve në shtete të tjera si Karolina e Jugut, Nevada dhe Miçigani para zgjedhjeve të përgjithshme. Zgjedhjet brenda partisë në Karolinën e Jugut do të zhvillohen më 3 shkurt për demokratët dhe më 24 shkurt për republikanët. Kjo gara paraprake është e hapur për të gjithë votuesit, pa dallim partiak, por ata nuk mund të marrin pjesë në të dy garat.
