Televizionet shqiptare kanë publikuar rezultatet e Exit-Poll-eve për zgjedhjet e 25 prillit.
Sipas televizionit kombëtar “Top Channel”, e që ka kontraktuar për Exit Pollin e saj kompaninë ‘Albanian Post’, nxjerr si fitues me rezultat të ngushtë Partinë Socialiste.
Sipas rezultateve të publikuara nga TCH, zgjedhjet e 25 prillit I fiton Partia Socialiste, e cila e vetme fiton 46.9%, dhe siguron 71 mandate.
Ndërkohë që Partia Demokratike arrin e vetme deri ne 63 mandate, ose e përkthyer në për qindje arrin të sigurojë mbështetjen e 43.5%.
Ndërsa Lëvizja Socialiste për Integrim fiton 6 mandate, kjo e përkthyer në për qindje me 6.9%.
Ndërkohë që televizioni informative Ora News, nxjerr si fituese në këto zgjedhje koalicionin e PD-së, Aleanca për Ndryshim sëbashku me LSI-në.
Sipas Exit Poll-it të realizuar nga Antonio Noto, “opozita e Bashkuar rezulton fituese e zgjedhjeve të 25 prillit me 50% të votave. Ky është rezultati i Exit Poll të Rtv Ora dhe Antonio Notos me 80% të të dhënave të përpunuara.
PS vijon të mbetet parti e parë, me 46% të votave, PD ka 44% të votave dhe LSI 6% të votave”.
Ndërkohë që për partitë e tjera në këto zgjedhje, Exit Poll-I i Notos parashikon se: “PSD 0.5-2.5%/ Thurje 0-2% / Parti të tjera 1.5-3.5%”
EXIT POLL I EURONEWS ALBANIA
Nga ana tjetër, EuroNews Albania ka publikuar rezultatet e Exit Poll të kompanisë MRB.
Sipas kësaj medie, PS fiton në këto zgjedhje nga 65 deri në 71 mandate.
PD fiton 61 deri në 65 mandate, ndërkohë që LSI merr në rang kombëtar nga 6 deri në 8 mandate.
Surprizë del Partia e Tom Doshit, e cila fiton nga 1 deri në 2 mandate.
Ndërkohë që sipas EuroNews në Tiranë dy partitë kryesore, PD dhe PS arrijnë shifra të barabarta mandatesh.
“Të dhënat paraprake për qarkun e Tiranës vijojnë si më poshtë:
Partia Socialiste nga 16-17 mandate
Partia Demokratike nga 16-17 mandate
Partia Socialiste për Integrim nga 2-3 mandate
Partia Social-Demokrate nga 0-1 mandate”.
