19.5 C
Tiranë
Tuesday, July 29, 2025
spot_img

Zjarr i përmasave të mëdha përfshin Fabrikën e Plastikës në Elbasan, evakuohen punonjësit pa lëndime

Një zjarr masiv shpërtheu pasditen e sotme në pjesën e jashtme të një fabrike përpunimi plastike në zonën e ish-Metalurgjikut në Elbasan, duke krijuar një situatë alarmante për qytetarët dhe punëtorët e zonës. Flakët, që dyshohet të jenë shkaktuar nga një shkëndijë elektrike, përfshinë tuba dhe arka plastike, duke rrezikuar edhe fabrikat ngjitur, përfshirë ato në zonën e Bradasheshit, ku vepron kompania KURUM.

Zjarri u raportua rreth orës 14:40 dhe përhapja e shpejtë e flakëve, e ndihmuar nga era, prodhoi shtëllunga të mëdha dhe të zeza tymi, të cilat mbuluan qytetin. Ngjarja ndodhi ndërsa fabrika vijonte të operonte, duke vendosur në rrezik të madh personelin e saj.

Maringlen Çollaku, një punonjës i një prej fabrikave aty pranë, përshkroi momentet e rrezikshme kur zjarri shpërtheu dhe rolin e tij në përpjekjet e shpëtimit:

Ishte tej mase e rrezikshme, qoftë për punëtorët që ishin brenda, qoftë për personelin e fabrikës. Ne u angazhuam deri në momentin që mbërritën zjarrfikëset. Për fat, arritëm të vendosnim zjarrin nën kontroll. Shkëndija elektrike nga një tension i lartë prej 285 volt u bë shkak i zjarrit.”

Zjarrfikësit nga Elbasani dhe Tirana, me 10 mjete zjarrfikëse dhe rreth 40 efektivë, arritën të izolonin vatrën dhe të parandalonin përhapjen e flakëve në fabrikat ngjitur. Drejtori i zjarrfikëses në Elbasan, Emirion Sota, informoi se zjarri kishte përfshirë kryesisht pjesën e jashtme të fabrikës, duke djegur tuba dhe arka plastike, por falë ndërhyrjes së shpejtë u shmangën lëndimet dhe fabrikat e tjera u shpëtuan. “Paraprakisht mendohet se zjarri është aksidental,” u shpreh Sota.

Ilir Llapushi, drejtori i zjarrfikëses Gramsh, nënvizoi vështirësitë e hasura për shkak të materialeve plastike që digjeshin, të cilat janë lehtësisht të djegshme.

Këto janë zjarre të vështirë për t’u shuar, por u punua me kundragaz për të përballuar situatën,” shtoi ai.

Zjarrfikësit arritën ta vinin zjarrin nën kontroll brenda një ore, por shtëllungat e mëdha të tymit vazhduan të mbulonin qytetin për një kohë të gjatë. Fatmirësisht, nuk pati të lënduar, pasi të gjithë punonjësit dhe stafi i fabrikës arritën të evakuoheshin me sukses, ndërsa dëmet materiale janë të konsiderueshme.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Kukës – Gjendet trup i pajetë pranë “Urës së Drinit të Zi”

0
Policia bën me dije se rreth orës 16:00, Salla Operative e DVP Kukës u njoftua për praninë e një kufome të gjinisë mashkullore, ende...

Avokati i efektivit të dhunuar në Vlorë publikon pamje të reja: “Janë 15 autorë,...

0
Avokati i policit të dhunuar dy ditë më parë në një lokal në Vlorë ka reaguar ashpër ndaj mosveprimit të Policisë së Shtetit, duke...

Trup i pajetë në Liqenin e Shkodrës, dyshohet vetëvrasje

0
Një ngjarje e rëndë është shënuar pasditen e sotme në Shkodër, ku një 26-vjeçar është gjetur pa shenja jete në ujërat e liqenit. Policia njofton...

Treni I pasagjerëve del nga shinat në Gjermani, disa viktima dhe të plagosur

0
Një aksident i rëndë hekurudhor është regjistruar mbrëmjen e së dielës në Baden-Württemberg të Gjermanisë, ku një tren pasagjerësh doli nga shinat duke shkaktuar...

Azerbajxhan – Dënimi i aktivistit ndez zemërimin kundër BE-së

0
Arrestimi dhe dënimi me 15 vite burg për “tradhti të lartë” i Bahruz Samadov, një student doktorature 30-vjeçar dhe aktivist i njohur për paqe...