Një zjarr ka përfshirë një banesë në lagjen “Qoshkë”, në fshatin Lapardha të Beratit, duke shkaktuar dëme të mëdha materiale.

Sipas informacioneve paraprake, zjarri ka rënë në banesën e shtetasit Kadri Mançe. Familjarët, sapo kanë vënë re flakët, kanë njoftuar menjëherë shërbimin zjarrfikës. Dy ekipe me 4 zjarrfikës kanë ndërhyrë me shpejtësi, duke arritur të lokalizojnë dhe të shuajnë flakët, duke shmangur përhapjen e tyre në pjesën tjetër të banesës.

Nga zjarri është shkrumbuar plotësisht dhoma e gatimit, por fatmirësisht nuk raportohet për persona të lënduar. Sipas burimeve nga zjarrfikësit, shkak i zjarrit dyshohet të ketë qenë rrjedhja e bombolës së gazit.

Autoritetet po hetojnë për të përcaktuar shkaqet e plota të ngjarjes.