Një ndërtesë në zonën e “Lesna”-s në Prishtinë është përfshirë nga flakët, duke shkaktuar panik mes banorëve. Sipas raportimeve nga vendi i ngjarjes, dhjetëra autoambulanca, policë dhe ekipe të shpëtimit kanë mbërritur për të ndihmuar në evakuimin e personave të bllokuar brenda objektit.

Në pamjet e siguruara nga vendngjarja, shihen banorët që kërkojnë ndihmë dhe komunikojnë me forcat e rendit, ndërsa tymi i dendur ka mbuluar ndërtesën.

Ekipet e zjarrfikësve po punojnë intensivisht për të vënë nën kontroll flakët dhe për të nxjerrë të gjithë personat e bllokuar në siguri. Ende nuk dihen shkaqet e zjarrit dhe nëse ka persona të lënduar.

Autoritetet pritet të japin më shumë detaje mbi situatën në orët në vijim.