Një zjarr ka rënë në zonën me ullishte në fshatin Lapardha.

Zjarri ka nisur fillimisht në ullishten në pronësi të shtetasit Klodjan Gjeçollani në lagjen Qoshkë dhe më pas,si pasojë e erës dhe temperaturave të larta,zjarri është përhapur me shpejtësi drejt ullishteve të tjera.

Dhjetëra forca zjarrëfikëseje u nisën drejt zonës së zjarrit dhe në pak minuta u bë i mundur lokalizimi i flakëve dhe shuarja e plotë e zjarrit.

Si pasojë e zjarrit u përfshi nga flakët një sipërfaqe prej rreth 1 ha me shkurre e ferra dhe disa rrënjë ullinj.

Burime të zjarrëfikësve në vendngjarje konfirmojnë se zjarri ka qënë i qëllimshëm dhe për kqyrjen e vendit të zjarrit në zonë kanë mbërritur edhe ekspertë të policisë.