Një zjarr i ri, i quajtur “Kenneth Fire”, shpërtheu të enjten (9 janar) në veri të zjarrit Palisades, duke kërcënuar shtëpitë e ndodhura në afërsi të Calabasas dhe Hidden Hills, përfshirë vilat e njohura të Kardashianëve. Zjarri besohet të ketë shpërthyer qëllimisht, dhe një i dyshuar është arrestuar nga LAPD.

Kim Kardashian, që ka një rezidencë të shtrenjtë në Malibu, ishte në rrezik të konsiderueshëm, por ende nuk është konfirmuar se shtëpia e saj ka pësuar dëme. Përdoruesit e rrjeteve sociale raportuan se ajo u evakua nga prona e saj e Hidden Hills, që është afër zonave të evakuimit. Kourtney Kardashian dhe Kylie Jenner gjithashtu kanë shtëpi në zonën e kërcënuar, por ende nuk ka konfirmime për dëme në pronat e tyre.

Një tjetër shqetësim është afërsia e zjarrit me shtëpinë e Khloe Kardashian në Calabasas, e cila është gjithashtu e rrezikuar nga flakët.

Përveç Kardashianëve, zjarri ka djegur shtëpi të disa personazheve të famshëm si Billy Crystal, Mandy Moore dhe Paris Hilton. Hetimet për shkakun e zjarrit janë ende në vazhdim, ndërsa mijëra ndërtesa dhe biznese janë shkatërruar.