Ministri i Brendshëm Taulant Balla së bashku me drejtues të Bashkisë së Fierit dhe Drejtorisë së Policisë vendore ka mbërritur në Peshtan të Fierit, për të ndjekur nga afër situatën e zjarreve.
Prej tre ditësh zona e Peshtanit është përfshirë nga zjarri, flakët kanë shkrumbuar dhjetëra hektarë më pisha, dushk, shkurre si edhe ullishte.
Gjatë ditës së sotme ka pasur ndërhyrje dhe me helikopterë, por vatrat e zjarrit nuk janë ende nën kontroll.
Gjatë fjalës së tij, Balla u shpreh:
Po ndjekim situatën e vatrave të zjarrit në disa qarqe të Shqipërisë. Aktualisht përveç Fierit ku jam, kemi një situatë të vështirë edhe në Vlorë. Në Fier kemi ndërhyrë gjatë ditës edhe nga ajri përmes helikopterit.
Kemi ndaluar personin që dyshohet se ka shkaktuar zjarrin. Zjarrvënia është vepër penale dhe do të kërkojmë ndërshkim ekzemplar për këdo.
