Një banesë është shkrumbuar totalisht si pasojë e një zjarri në fshatin Delisufaj të Lushnjës. Në momentin që ka shpërthyer zjarri, në banesë nuk ndodhej asnjë person.
Flakët masive kanë rrezikuar edhe shtëpitë përreth. Në vendngjarje kanë mbërritur zjarrfikësit, të cilët kanë ndërhyrë në kohë për të shuar flakët. Dyshohet se shkaku i zjarrit mund të ketë qenë një shkëndijë elektrike.
