Një fabrikë që prodhon ëmbëlsira, e njohur si Perfetti, ka shpërthyer në flakë në Lainate, afër Milanos, në via Clerici 3. Sipas raportimeve të La Repubblica, zjarri nuk ka shkaktuar të lënduar, por ka detyruar evakuimin e banorëve të zonës nga ekipet e shpëtimit. Disa të moshuar janë ankuar për vështirësi në frymëmarrje për shkak të tymit të dendur që mbuloi qiellin.

Pamjet e shpërndara në internet tregojnë flakët dhe tymin e zi që janë përhapur nga fabrika. Perfetti Van Melle, e cila u themelua në vitin 1946 në Lainate, prodhon disa nga markat më të njohura të ëmbëlsirave, përfshirë çamçakëzët Brooklyn dhe Big Babol, si dhe ëmbëlsirat Golia, Chupa Chups dhe Mentos.