Një fabrikë në Greqi është përfshirë nga flakët me shpejtësi, duke shkaktuar rrezik për zonën përreth. Zjarri është përhapur shpejt dhe ka kërkuar ndërhyrjen e forcave zjarrfikëse. 46 zjarrfikës janë angazhuar me 13 automjete për të vënë nën kontroll flakët. Zjarri ka shpërthyer në rrugën Hephaistou dhe ka shkaktuar gjithashtu trafik të rënduar në zonë, ndaj policia është e angazhuar për të menaxhuar kalimin e automjeteve.

Sipas informacioneve të para, nuk ka raporte për të lënduar, ndërsa ekipet zjarrfikëse po punojnë për të parandaluar përhapjen më të madhe të flakëve dhe për të shuar zjarrin. Aktualisht, situata është nën kontrollin e autoriteteve.