Disa zona në Shkodër, Kukës, Dibër dhe Vlorë janë edhe sot më të rrezikuara nga zjarret në pyje. Sipas Institutit të Gjeoshkencave, Energjisë, Ujit dhe Mjedisit, këtë të mërkurë priten gjithashtu reshje të dobëta shiu dhe lokale të dobëta në shumicën e qarqeve.
Njoftimi nga IGJEUM
ZJARRET NË PYJE
Sot pasdite (e martë dt.10) dhe nesër (e mërkurë dt.11) pritet nivel “I LARTË” rreziku në shumicën e qarqeve dhe nivel “I MODERUAR’’ rreziku në qarqet Shkodër, Kukës, Dibër dhe Vlorë (siç tregohet në tabelë, respektivisht për secilin qark).
Në disa qarqe pritet rrezik “I LARTË” vetëm në zona të lokalizuara, konkretisht: Shkodër (Jp), Kukës (Vl), Dibër (Vp) dhe Vlorë (V). Rreziku pritet të jetë më i lartë ditën e nesërme.
PARASHIKIMI METEO
RESHJET
Sot pasdite (e martë dt.10) dhe nesër (e mërkurë dt.11) priten reshje të dobëta dhe lokale të dobëta në shumicën e qarqeve (siç tregohet në tabelë, respektivisht për secilin qark). Në zona të kufizuara të qarqeve, nuk përjashtohet mundësia që të ketë ndonjë reshje në formë shtrëngate me kohëzgjatje të shkurtër, më e mundshme në terrenet malore (dhe ato pranë tyre), kryesisht gjatë pasditeve.
TEMPERATURAT
Nesër (e mërkurë dt.11) temperaturat minimale dhe maksimale të ajrit pritet të arrijnë:
në bregdet: 24 / 33 °C
në vendet e ulëta: 23 / 37 °C
në vendet malore: 19 / 33°C
Era
Sot pasdite (e martë dt.10) dhe nesër (e mërkurë dt.11) era pritet të fryjë e lehtë.
Për më shumë:
