Forcat e Mbrojtjes së Izraelit (IDF) kanë njoftuar këtë të enjte vdekjen e Rawi Mustaha, një zyrtar i lartë i Hamasit që drejtoi qeverinë në Rripin e Gazës. Sipas IDF, Mustaha ishte një nga zyrtarët më të lartë të Hamasit dhe kishte ndikim të drejtpërdrejt në vendimet për vendosjen e forcave të këtij grupi militant.

Në një deklaratë, ushtria izraelite përmendi se dy figura të tjera të larta të Hamasit, Sameh al-Shiraz dhe Sami Udeh, u vranë së bashku me Mustaha në një sulm ajror tre muaj më parë.

Më 7 tetor, radikalët e Hamasit realizuan një sulm në veri të Izraelit, ku vranë afër 1.200 persona dhe rrëmbyen afër 250 të tjerë. Në përgjigje, Izraeli nisi një ofensivë të gjerë në Gazë. Sipas Ministrisë së Shëndetësisë në Gazë, deri tani lufta ka rezultuar në vdekjen e më shumë se 41.000 palestinezëve.