Një person ka vdekur dhe gjashtë janë plagosur si rezultat i bombardimeve “të intensifikuara” në qytetin jugor të Ukrainës, Mykolaiv, sipas kryetarit të bashkisë së qytetit Oleksandr Sienkevych.

“Në ditët e fundit, granatimet janë intensifikuar. Vetëm gjysmë ore më parë na qëlluan sërish. Ata qëllojnë të gjitha llojet: kryesisht municione thërrmuese, të cilat kanë për qëllim vrasjen e njerëzve”, tha Sienkevych të premten.

Sienkevych u kërkoi banorëve të qëndrojnë brenda gjatë kohës së shtetrrethimit dhe të fshihen midis dy mureve në përpjekje për të mbrojtur veten.

Mykolaiv mbetet pa një furnizim qendror me ujë pasi një raketë dëmtoi tubacionin kryesor në fillim të javës së kaluar. Qyteti ka organizuar shpërndarjen e ujit me kamionë, si dhe shpime shtesë të puseve në zonat e ngarkuara, shtoi Sienkevych.

Forcat ruse kanë shtuar sulmet në rajonet e Mykolaiv dhe Kherson, pasi forcat e armatosura ukrainase e quajtën sulmin në rajonin jugor të vendit më “agresiv dhe më të guximshëm” të dielën.