11-vjeçarja nga Lezha, Kiara Ibraj, është një nga finalistët e këtij edicioni të Sanremo Junior në Itali, duke performuar këngën “Never Enough” nga Loren dhe duke impresionuar të gjithë me zërin e saj të mahnitshëm.

Veshur me një kostum të bardhë, Kiara u ngjit në skenë me një performancë të jashtëzakonshme, duke bërë krenarë të gjithë shqiptarët. Pjesë e publikut ishin përfaqësues të Bashkisë Lezhë dhe shumë emigrantë shqiptarë në Itali, të cilët ndoqën me kureshtje përformancën e saj.

Talentja nga Lezha ka filluar të këndojë që në moshën 4 vjeçare dhe puna e saj e palodhshme duket se është shpërblyer, duke e çuar Shqipërinë në skenën e Sanremo Junior.