Më 15 mars, 17 vite pas një prej ngjarjeve më tragjike të ndodhur në Shqipëri, shpërthimi në fabrikën e municioneve në Gërdec që la pas 26 të vdekur dhe 300 të plagosur, hetimet për këtë tragjedi të rëndë po vazhdojnë. Shpërthimi shkatërroi banesat në zonë dhe shkaktoi pasiguri të madhe për banorët.

Hetimet për ngjarjen u vonuan për një periudhë të gjatë, por pas 15 vitesh, SPAK ka dorëzuar dosjen përkatëse në Gjykatën e Posaçme Antikorrupsion. Ish-ministri i Mbrojtjes, Fatmir Mediu, akuzohet për shpërdorim detyre, veprim që ka ndodhur në bashkëpunim me zinxhirin komandues ushtarak. Kjo akuzë erdhi pas denoncimeve nga një familje nga Gërdeci, e cila ka kërkuar drejtësi për tragjedinë që ka prekur atë dhe shumë të tjerë.