Një 17-vjeçar ka përfunduar pas hekurave pasi akuzohet se ka plagosur me thikë një 32-vjeçar. Ngjarja ndodhi në një lokal në lagjen “Pavarësia” në Vlorë. Burime zyrtare bëjnë me dije se shtetasi me inicialet P.K. kishte thyer masën e ‘arrestit shtëpiak’.
“Policia arrestoi shtetasin P.K., 17 vjeç, pasi në orët e para të ditës së sotme, në një lokal në lagjen “Pavarësia”, dyshohet se gjatë një konflikti për motive të dobëta, ka goditur me mjet prerës (thikë) shtetasin A.Gj., 32 vjeç, i cili po merr ndihmë mjekësore në spitalin e Traumës. Nga verifikimet e kryera rezultoi se 17-vjeçari kishte thyer masën e sigurisë “Arrest në shtëpi” për veprën penale “Vjedhja me dhunë”, sqaron policia.
