Një 18-vjeçar është arrestuar këtë të shtunë nga policia e Fierit, pasi u kap në flagrancë me dhjetëra doza të lëndës narkotike cannabis sativa. I identifikuar si Juled Spahija, i riu u arrestua gjatë një operacioni të koduar “Flagranca”, i realizuar nga Sektori për Hetimin e Narkotikëve në bashkëpunim me Forcën e Posaçme Operacionale të DVP Fier.

Sipas njoftimit zyrtar, gjatë kontrollit të ushtruar, Policia gjeti dhe sekuestruar dhjetëra doza cannabis sativa, të cilat Spahija i kishte pregatitur për t’i shitur. Po ashtu, u sekuestrua edhe një celular si pjesë e provës materiale. Operacioni, i bazuar në informacione të siguruara në rrugë operative, është pjesë e përpjekjeve për goditjen e veprimtarisë kriminale në fushën e narkotikëve.

Materialet procedurale do t’i kalojnë Prokurorisë për veprime të mëtejshme.