Një 20-vjeçar është shpallur në kërkim nga Policia, pasi është larguar nga banesa ditën e djeshme dhe nuk është kthyer më.

Lajmi u konfirmua zyrtarisht nga autoritetet, pas kallëzimit të bërë nga vëllai i tij, shtetasi A. H., 28 vjeç, i cili ka njoftuar uniformat blu për zhdukjen e të riut.

Sipas deklaratës, M. H., 20 vjeç, është larguar në rrethana ende të paqarta dhe familjarët nuk kanë më asnjë kontakt me të.

Policia ka nisur hetimet për të verifikuar pistat e mundshme të largimit, ndërsa po bashkëpunon edhe me qytetarët për informacione të vlefshme që mund të ndihmojnë në lokalizimin dhe gjetjen e tij.

Deri tani nuk ka dyshime për ndonjë ngjarje kriminale, por nuk përjashtohet asnjë pistë. Ndërkohë, apelohen të gjithë ata që mund të kenë parë të riun, të kontaktojnë strukturat më të afërta të Policisë.