-Një aksident është regjistruar mëngjesin e sotëm në aksin rrugor Plepa-Durrës, përballë rezidencës qeveritare.

Nga fotoja shihet një automjet tip “Volkswagen” që ka pësuar dëme të konsiderueshme materiale pasi është përplasur me një autobus.
Policia ndodhet në vendngjarje dhe po heton për të zbardhur shkaqet dhe rrethanat e aksidentit.

-Një aksident është regjistruar sot në aksin rrugor Dukat-Orikum ku një automjet dyshohet të ketë humbur kontrollin dhe ka përfunduar përmbys.

Nga ky aksident kanë marrë lëndime të lehta personat që udhëtonin me të teksa paraprakisht dyshohet që shkak të ketë qenë shpejtësia ose manovra të gabuara.

-Një mjet është përfshirë nga flakët teksa ka qenë duke lëvizur në drejtim të Radhimes ne Vlore.
Mësohet se fillimisht mjeti tip Citroen ka nxjerrë tym nga kondicioneri dhe më pas është përfshirë plotësisht nga flakët, duke u shkrumbuar
Fatmirësisht drejtuesi i mjetit ka dale në kohë dhe nuk ka pasur lëndime.

-Një aksident rrugor ka ndodhur mesditën e sotme në Marikaj të Vorës. Mësohet se në aksident janë përfshirë tre makina.

Bëhet me dije se njëri prej automjeteve ka përfunduar i përmbysur në mes të rrugës. Nga ngjarja është krijuar trafik i rënduar.