Arrestohet shtetasi Marjus Balo, 34 vjeç pasi ishte shpallur në kërkim për prodhim dhe shitje të lëndëve narkotike.

Ndërsa në Sarandë është arrestuar në flagrancë një 24 vjeçar me inicialet E.D. pasi gjatë kontrollit fizik dhe në banesë i është gjendur një sasi lënde narkotike dhe para të cilat dyshohet të jenë fituar nga shitja e lëndës narkotike.

Njofimi i policisë:

DVP Vlorë

Specialistët e Seksionit për Hetimin e Narkotikëve, në vijim të punës për kapjen e personave të shpallur në kërkim dhe vënien e tyre përpara përgjegjësisë ligjore, kapën dhe ndaluan shtetasin Marjus Balo, 34 vjeç, banues në Vlorë, pasi Gjykata e Shkallës së Parë Vlorë, me vendimin e datës 08.02.2021, e ka dënuar me 1 vit, 3 muaj e 26 ditë burgim, për veprën penale “Prodhimi dhe shitja e narkotikëve”.

Nga specialistët për Hetimin e Krimeve të Komisariatit të Policisë Sarandë u arrestua në flagrancë shtetasi E. D., 24 vjeç, banues në Sarandë, pasi gjatë kontrollit fizik dhe kontrollit në banesë, shërbimet e Policisë i kanë gjetur dhe sekuestruar në cilësinë e provës materiale një sasi lënde të dyshuar cannabis sativa dhe një shumë parash që dyshohet se është përfituar nga shitja e lëndës narkotike.

Materialet iu referuan Prokurorisë, për veprime të mëtejshme.