Majlind Habibi, 35 vjeç, ka pranuar para hetuesve se ai qëllimisht shtyu 33-vjeçarin Branko Shkoza në kanalin e ujërave të zeza, në zonën e Spitallës, lagja 15 në Durrës, ku të dy ishin banorë të të njëjtës lagje. Habibi ka ofruar detaje të plota mbi ngjarjen dhe motivet që çuan në këtë akt fatal.

Rrëfimi i Autorit
Sipas dëshmisë së Habibit, shkak për konfliktin mes tij dhe viktimës u bë një ngacmim i pretenduar ndaj bashkëshortes së tij nga ana e Shkozës. “Ai më ngacmonte gruan dhe unë i kërkova ta ndalonte. Por, përgjigjja e tij ishte ofenduese dhe poshtëruese. Më tha: ‘Shiko bëj ndonjë punë tjetër se i zgjidh vetë hallet gruaja jote’..Në atë moment mu errësuan sytë dhe nuk mendova gjatë. E shtyva dhe ai përfundoi në kanal.”

Habibi tha se nuk kishte për qëllim ta vriste Shkozën, por veprimi i tij ishte i nxitur nga zemërimi i çastit. “Nuk mendova se do vdiste. Thashë me vete se do ngrihej përsëri, se ra në ujë,” ka thënë ai. Habibi mësoi të nesërmen se viktima nuk ishte kthyer në shtëpi dhe, nga paniku, ai shkoi përsëri në vendin e ngjarjes. Aty vuri re se trupi i Shkozës ishte zhvendosur disa metra nga vendi i fillimit.

Diten e dyte mesova se nuk kishte shkuar ne shtepi . Shkova serish diten e dyte te vendi ku u perleshem e pash qe trupi i tij ishte spostuar disa metra nga vendi. Nuk kisha guxim te tregoja se çfare kishte ndodhur. Me kapi paniku. Kur e gjeten trupin e tij dhe e mori policia dhe àmbulanca thash nuk kane per ta kuptuar, por do mendojne se ka rene vete se edhe pinte alkool. Jam penduar shume, por nuk i kisha asnje borxh. Me kishte rene ne qafe”,- mesohet te kete deklaruar nder te tjere para hetuesve te policise 35-vjeçari pas arrestimit.

Habibi ka shprehur pendesë të thellë për aktin e tij. “Jam shumë i penduar. Nuk i kisha asnjë borxh, por ai më kishte rënë në qafë,” ka përfunduar ai në dëshminë e tij.

Ngjarja fillimisht u raportua si aksidentale, por hetimet dhe rrëfimi i Habibit kanë zbuluar të kundërtën. Policia vazhdon të hetojë rrethanat e plota të ngjarjes dhe motivet e saj.