Një 36-vjeçar me origjinë shqiptare është plagosur sot në Athinë pas një sulmi me armë zjarri. Ngjarja ka ndodhur rreth orës 10:20 në zonën e Kerameikos. Viktima është plagosur në këmbë dhe aktualisht ndodhet në spitalin “Genimatas” për trajtim mjekësor.
Në vendngjarje, policia ka gjetur 6 gëzhoja armë zjarri. Hetimet paraprake sugjerojnë se në këtë sulm mund të jenë përfshirë 3 persona, sipas raportimeve të prothotema.gr. Forcat policore po punojnë për zbardhjen e motiveve dhe identifikimin e autorëve të ngjarjes.
