Florian Kofina, 38 vjeç, u gjet i pajetë mëngjesin e djeshëm pranë Gjirit të Barxhos në Ksamil. Sipas ekspertizës paraprake mjeko-ligjore, Kofina ka ndërruar jetë nga mbytja.

Dëshmitarët që e gjetën trupin e tij të pajetë deklaruan se fillimisht dyshuan për një goditje nga një jet ski, pasi kishin vënë re disa mjete lundruese në afërsi. Dyshohet se Kofina ka pësuar një arrest kardiak gjatë zhytjes në plazhin e njohur si plazhi i shkëmbinjve dhe më pas është mbytur.

Grupi hetimor, nën drejtimin e prokurorit të çështjes, ka nisur hetimet për të verifikuar nëse dëshmitë për goditjen me jet ski janë të vërteta dhe për të zbardhur rrethanat e ngjarjes.