Komisioni Qendror i Zgjedhjeve (KQZ) ka përfunduar numërimin e votave për zgjedhjet e pjesshme për Kryetar të Bashkisë Himarë dhe ka konfirmuar fitoren e kandidatit socialist Vangjel Tavo. Sipas rezultateve të zyrtarizuara nga KQZ, Tavo ka fituar me 5022 vota, që përbën 58.62% të votave, ndërsa rivali i tij, Petro Gjikuria i koalicionit opozitar “Bashkë Fitojmë”, ka marrë 3545 vota, ose 41.38%.

KQZ njoftoi se ecuria e procesit të numërimit të votave ka qenë e qetë dhe është monitoruar nga stafi teknik i KQZ-së. Rezultatet paraprake janë transmetuar në kohë reale në faqen zyrtare të KQZ-së dhe në aplikacionin e saj.