4 turistë italianë kanë shpëtuar mrekullisht mëngjesin e sotëm, pasi motoskafi me të cilin po udhëtonin u përplas me disa shkëmbinj nënujor, teksa po kalonin në Zvërnec.

Turistët kanë nxituar që të nxjerrin motoskafin nga uji por mjeti është mbytur 70 metra larg bregut të detit. 4 turistët kanë arritur që të shpëtojnë, ndërsa e kanë kaluar natën më pas në Zvërnec.

Policia kufitare ka shkuar në vendngjarje.

Vlorë/Informacion paraprak

Shërbimet e Policisë Kufitare u vijnë në ndihmë 4 turistëve italianë, të dëmtuar gjatë një udhëtimi me skaf.

Më datë 07.06.2022, rreth orës 05:30, në zonën e quajtur “Hunda e Plakut”, në plazhin e Zvërnecit një mjet lundrues (skaf), me drejtues shtetasin G. V., 61 vjeç, banues në Pavia, Itali, është përplasur me një shkëmb nënujor. Në mjet ndodheshin shtetasit M. R., 38 vjeç, K. B., 33 vjeçe dhe një i mitur, banues në Pavia, Itali.

Shërbimet e Policisë Kufitare sapo janë njoftuar, kanë organizuar punën me qëllim nxjerrjen e shtetasve në breg. Si rezultat i veprimeve të mirëkoordinuara të Policisë Kufitare dhe GDF është bërë e mundur nxjerrja e 4 shtetasve italianë në breg. Të dëmtuarve u është dhënë ndihma e parë dhe janë në gjendje të mirë shëndetësore.