Një 49-vjeçar nga fshati Gështenjas është plagosur sot gjatë punimeve në tokën e tij, pas shpërthimit të një granate të vjetër. Ngjarja ndodhi ndërsa ai po punonte me mjete bujqësore.

Sipas njoftimit të policisë:

“Sot, në fshatin Gështenjas, shtetasi G. Y., 49 vjeç, duke punuar me mjet bujqësor, në tokën e tij, është dëmtuar në trup, dyshohet nga shpërthimi i një granate të vjetër që ndodhej në tokë. Shtetasi G. Y. po merr ndihmë mjekësore në spital dhe aktualisht është jashtë rrezikut për jetën. Grupi hetimor po punon për zbardhjen dhe dokumentimin e rastit.”

49-vjeçari është dërguar menjëherë në spital dhe gjendet jashtë rrezikut për jetën, ndërsa autoritetet po hetojnë për shkaqet dhe rrethanat e ngjarjes.