Një ditëlindje e zakonshme u transformua në një moment të paharrueshëm për Erolld Belegun dhe partneren e tij, Diola Dosti. Gjatë festës së tij të 60-të, Belegu surprizoi të pranishmit duke bërë një propozim romantik për martesë.

Para të ftuarve, ai u ul në gjunjë dhe i kërkoi Diolës të bëhej bashkëshortja e tij, duke kthyer momentin në një skenë të mbushur me emocione. Përgjigjja nuk vonoi: Diola pranoi propozimin dhe ndau momentin me ndjekësit në rrjetet sociale, duke shkruar: “Thashë PO se i dhe dritë shpirtit tim”.

Historia e tyre e dashurisë, publike që nga marsi i vitit 2024, ka tërhequr vëmendje edhe për diferencën në moshë mes tyre, pasi Belegu është rreth 21 vjet më i madh se Diola. Me këtë hap të ri, çifti ka vendosur të konsolidojë marrëdhënien e tyre, duke e bërë festën një kujtim të veçantë për të gjithë.