Ministri i Brendshëm, Taulant Balla ka bërë me dijeni në faqen e tij në Facebook, se gjatë 24 orëve të fundit, janë arrestuar 5 persona dhe 4 në hetim, si të përfshirë në zjarrvënie.

Balla thekson, që zjarrvënia është vepër penale mjaft e rëndë, duke qenë se rrezikon jetën e banorëve, prandaj përmend se dënimi mund të shkojë deri në 15 vite heqje lirie.

Balla:

Zjarret në vend. Gjatë 24 orëve të fundit Policia e Shtetit ka arrestuar 5 persona dhe ka proceduar 4 të tjerë, të përfshirë në zjarrvënie. Gjithashtu po vijon me kryerjen e veprimeve proceduriale dhe këqyrjes në vendngjarje të zjarreve dhe dokumentimin e dëmeve të shkaktuara mjedisore, pronës private dhe publike dhe rrezikimit të jetës së banorëve. Është vepër e rëndë penale zjarrvënia me dënime që shkojnë deri në 15 vite heqje lirie!