Një ngjarje tragjike ka tronditur fshatin Bërsnik, ku një 70-vjeçar i raportuar i zhdukur të premten është gjetur i pajetë të shtunën. Policia ka bërë të ditur se trupi i shtetasit S. H., 70 vjeç, u gjet në një përrua të thellë në zonë, pasi ai ishte larguar nga banesa e tij një ditë më parë, rreth orës 13:00.

Dyshimet paraprake të autoriteteve tregojnë se 70-vjeçari është mbytur aksidentalisht. Pas kqyrjes së trupit, policia raportoi se nuk janë gjetur shenja dhune, çka përforcon hipotezën e një ngjarjeje aksidentale. Materialet për rastin i janë kaluar Prokurorisë për hetime të mëtejshme mbi shkaqet e vdekjes.