Ky 9 dhjetor, shënon 76-vjetorin e krijimit të repartit Zjarrfikës në vend.

Teksa për shpëtuesit e jetës duhet të ishte ditë feste, në Vlorë zjarrfikësit kanë zgjedhur të flasin të revoltuar për kushtet e punës.

Kastriot Karabolli, është veteran në repartin e zjarrfikëseve në Vlorë, por sot, ai denoncon trajtimet e punonjësve dhe gjendjen skandaloze të mjeteve të repartit zjarrfikës.

Veç mungesës së mjeteve dhe pagave të ulëta, zjarrfikësit në Vlorë tregojnë se kanë mungesë të bazës materiale përfshirë veshjet, bombula oksigjeni apo dhe mjete të tjera jetëshpëtuese.