Një ngjarje e rëndë ka tronditur Stamboll, ku futbollisti i ri Kubilay Kaan Kundakci ka humbur jetën pas një sulmi me armë zjarri.

Sipas raportimeve, 21-vjeçari është qëlluar teksa ndodhej në automjetin e tij. Dëshmitarët në vendngjarje kanë deklaruar se një person hapi zjarr në drejtim të tij, duke e lënë të plagosur rëndë.

Pas të shtënave, i riu u transportua me urgjencë në spital, por nuk arriti t’u mbijetojë plagëve të marra.

Mediat e huaja bëjnë me dije se ai mund të ketë qenë i përfshirë në një konflikt që lidhej me një reper dhe ish-partneren e këtij të fundit, një këngëtare, ku dyshohet se po përpiqej të ndërhynte për të qetësuar situatën.

Autoritetet turke kanë nisur hetimet për zbardhjen e plotë të rrethanave dhe identifikimin e autorit të sulmit.