Pas një sherri për motive ende të papërcaktuara, Agim Shkullaku, rreth 80 vjeç, ka qëlluar me armë të llojit çifte djalin e tij, Përparim Shkullaku, rreth të 50-ve.

Sipas raportimeve, gjatë debatit, djali ka ushtruar dhunë ndaj babait, i cili në kushte të tilla ka marrë armën dhe ka qëlluar, duke lënë të plagosur të birin në oborrin e shtëpisë. Për shkak të plagëve të rënda, 50-vjeçari është transportuar drejt Spitalit të Traumës në Tiranë për ndihmë mjekësore.

Policia ka nisur hetimet për sqarimin e rrethanave të ngjarjes dhe për përcaktimin e motiveve që çuan në incident.