Kryeministri Edi Rama ka hapur legjislaturën e re të Kuvendit me një mesazh të fortë për shumicën dhe opozitën, duke e nisur fjalën e tij të parë me një urim për kryeparlamentarin Niko Peleshi për drejtimin e punëve të Kuvendit. Rama theksoi se votëbesimi i qeverisë me 83 mandate nuk është thjesht një shifër, por një përgjegjësi e madhe ndaj shqiptarëve, dhe paralajmëroi opozitën se çdo sjellje e pahijshme brenda sallës nuk do të kalojë pa u vënë re.

Kryeministri lidhur këtë përgjegjësi me vizionin e qeverisë për integrimin europian, duke theksuar se “Shqipëria 2030 në BE” është busulla orientuese e çdo programi qeverisës dhe prioritet i mandatit të tij. Rama nënvizoi rëndësinë e inovacionit dhe inteligjencës artificiale si dy instrumente strategjike për përmirësimin e administratës dhe zhvillimin ekonomik, si dhe konsolidimin e pavarësisë së gjyqësorit dhe miratimin e Kodit të ri Civil.

Ai shtoi se revolucioni digjital do të shtrihet edhe në fushën e drejtësisë për të forcuar transparencën, llogaridhënien dhe të drejtat e individit, duke vënë në dukje se Shqipëria është i vetmi vend në rajon që përdor inteligjencën artificiale në këtë mënyrë strategjike. Fjalimi i Ramës u karakterizua nga një përzierje mesazhesh institucionale, paralajmërimesh për opozitën dhe vizioni për një Shqipëri europiane dhe inovative.