Personi në foton e mëposhtme është Lorenc Gropa, një Trup Shërbimi i Patrullës së Përgjithshme pranë Komisariatit Fier. Ai është arrestuar mbrëmjen e djeshme nga Agjencia e Mbikëqyrjes Policore (AMP) nën akuzën se ishte pjesë e një grupi që shiste lëndë narkotike në ambientet e një bar kafeje në Patos.

Gjatë kontrollit në banesën e Lorenc Gropës, u sekuestruan si prova materiale:
– Një qese me pluhur të bardhë, e dyshuar si kokainë me peshë rreth 41.25 gramë,
– Dy cigare me lëndë narkotike hashash,
– Dy peshore për peshimin e lëndëve narkotike,
– Një armë zjarri tip TT,
– Një armë zjarri e llojit Karabinë,
– Njëmbëdhjetë aparate celularë.

Në lidhje me rastin u arrestuan edhe Klevis Gropa dhe Ledjon Gropa, të dyshuar për “Prodhim dhe shitje e narkotikëve,” veprimtari që dyshohet se e kryenin në ambientet e një bar kafeje në Patos. Nga deklaratat dhe këqyrja e telefonave, u dokumentua implikimi në trafikun e armëve i Skerdilajd Levendit, i cili u arrestua për “Trafikim i armëve dhe municioneve”, pasi ai negocionte me persona të tjerë në lidhje me këtë veprimtari të paligjshme.

Gjithashtu, janë proceduar në gjendje të lirë:
– Bruno Festimaj, i dyshuar për “Organizim i lojërave të palejuara” dhe “Vënia në dispozicion e ambienteve për lojëra të palejuara”,
– Maliq Gropa, i dyshuar për “Prodhim dhe mbajtje pa leje e armëve të gjuetisë dhe sportive”.