Një aksident tragjik ka ndodhur në jug të Francës, ku dy persona humbën jetën dhe më shumë se 30 të tjerë u plagosën, disa prej tyre rëndë. Ngjarja ndodhi të dielën në orën 17:00, pranë stacionit të skive të **Porte-Puymorens**, në rajonin e **Pirinejve**, i cili ndodhet afër kufirit me **Spanjën** dhe **Andorrën**.

Një autobus, që po transportonte gjithsej 47 pasagjerë, përfshirë edhe shoferin, përplasi një shkëmb në një rrugë të kthesave të ngushta (N320). Autoritetet lokale njoftuan se 10 persona janë plagosur rëndë, ndërsa 32 të tjerë kanë pësuar lëndime të lehta, por janë jashtë rrezikut për jetën.

Operacioni i shpëtimit ka përfshirë më shumë se 170 persona, përfshirë zjarrfikës dhe ushtarë nga **Franca**, **Katalonia në Spanjë**, dhe **Andorra**. 133 zjarrfikës dhe 40 ushtarë ishin të pranishëm në vendngjarje për të ofruar ndihmën e nevojshme dhe për të shpëtuar të mbijetuarit.