Sot nisi punimet trajnimi tre-ditor “Inteligjenca Artificiale në Zgjedhje,” i organizuar nga International IDEA dhe financuar nga Microsoft dhe OpenAI, me mbështetjen e Komisionit Qendror të Zgjedhjeve të Shqipërisë. Aktiviteti ka mbledhur në Tiranë zyrtarë të trupave zgjedhore dhe përfaqësues të shoqërisë civile nga Kosova, Mali i Zi, Maqedonia e Veriut, Armenia, Ukraina, dhe Bosnje e Hercegovina, duke ofruar një platformë për diskutime mbi përdorimin e Inteligjencës Artificiale (IA) në proceset demokratike.

Qëllimi i trajnimit është të pajisë pjesëmarrësit me njohuri të thelluara mbi IA dhe ndikimin e saj në administrimin zgjedhor, duke theksuar rëndësinë e etikës dhe të drejtave të njeriut. Programi synon të eksplorojë përfitimet dhe sfidat që IA paraqet në mbrojtjen e grupeve të cenueshme dhe të margjinalizuara, duke adresuar implikimet e saj në një kuadër demokratik.

Komisioneri Shtetëror i Zgjedhjeve, Ilirjan Celibashi, e cilësoi këtë nismë si unike dhe shumë të rëndësishme për kontekstin aktual teknologjik dhe politik. Ai theksoi se, pavarësisht se përdorimi i IA në zgjedhje është ende në fazat eIA mund të ndihmojë në luftimin e problemeve në rritje të dizinformimit gjatë zgjedhjeve. IA mund të ndihmojë në luftimin e problemeve në rritje të dizinformimit gjatë zgjedhjeve. Duke analizuar përmbajtje në internet, algoritmet e IA mund të identifikojnë dhe sinjalizojnë shpërndarjen e informacionit të rremë, duke siguruar që votuesit të marrin informacion të besueshëm. Gjithashtu, chatbot-et e fuqizuar nga IA mund t’u përgjigjen pyetjeve të votuesve me saktësi dhe shpejtësi, duke i ndihmuar ata gjatë procesit zgjedhor. Ndër të tjera, aplikimet i rendisin informacionet në IA dhe e analizon edhe të dhënat zgjedhore. IA në volumet e mëdha të të dhënave mund të identifikojë parregullsitë të mundshme. Këto përdoreshin për të përmirësuar transparencën dhe për të forcuar besimin në publik”, tha ai..

Gjatë këtij trajnimi, pjesëmarrësit do të fitojnë njohuri praktike mbi mënyrat e zbatimit të teknologjisë AI në menaxhimin zgjedhor, duke u fokusuar në tema si bazat e IA, etika dhe të drejtat e njeriut, si dhe roli i IA në përmirësimin e transparencës dhe besueshmërisë së proceseve zgjedhore. Kjo iniciativë synon të forcojë kapacitetet e trupave zgjedhore rajonale dhe të kontribuojë në ndërtimin e proceseve zgjedhore më transparente, gjithëpërfshirëse dhe të besueshme për të ardhmen.