Presidenti i sapozgjedhur i SHBA-së, Donald Trump, publikoi një paralajmërim të ashpër në rrjetin e tij Truth Social, duke deklaruar se nëse pengjet e mbajtur nga Hamasi nuk lirohen para se ai të marrë detyrën më 20 janar 2025, ata që janë përgjegjës do të përballen me pasoja të rënda. “Nëse pengjet nuk lirohen përpara 20 janarit 2025, datës kur unë marr me krenari detyrën si President i Shteteve të Bashkuara, të gjithë ata që janë përgjegjës për këtë mizori do të përballen me ferrin,” tha Trump. “Ata që janë përgjegjës do të goditen më fort se kushdo që është goditur në Historinë e gjatë të Shteteve të Bashkuara të Amerikës. LIRONI PENGJET TANI!”
Kjo deklaratë u mbështet edhe nga presidenti i Izraelit, i cili e ripostoi dhe falënderoi Trump për mesazhin. Aktualisht, 101 izraelitë thuhet të jenë të burgosur në Gaza. Aktivistët në Izrael i kanë kërkuar kryeministrit Benjamin Netanyahu që të pajtohet me një marrëveshje armëpushimi dhe shkëmbimi pengjesh, por kanë akuzuar qeverinë për pengimin e këtyre mundësive. Sipas Hamasit, 33 pengje izraelitë janë vrarë që nga fillimi i sulmeve izraelite më 7 tetor 2023, dhe paralajmëron se më shumë mund të vdesin nëse sulmet vazhdojnë.
“Të gjithë po flasin për pengjet që po mbahen në Lindjen e Mesme mënyrë kaq të dhunshme, çnjerëzore dhe kundër vullnetit të gjithë Botës, – Por të gjitha janë vetëm fjalë dhe asnjë veprim! Nëse pengjet nuk lirohen përpara 20 janarit 2025, datës kur unë marr me krenari detyrën si President i Shteteve të Bashkuara, të gjithë ata që janë përgjegjës për këtë mizori do të përballen me ferrin. Ata që janë përgjegjës do të goditen më fort se kushdo që është goditur në Historinë e gjatë të Shteteve të Bashkuara të Amerikës. LIRONI PENGJET TANI!” shkroi Trump.
