Tre shqiptarë janë arrestuar nga policia italiane pasi u kapën duke kryer vjedhje në disa banesa në Milano dhe Monza. Gjatë një periudhe dyjavore, ata dyshohet se kanë vjedhur 12 banesa.
Grupi i shqiptarëve, të cilët janë të moshës nga 27 deri në 35 vjeç, përdornin një automjet me motor të madh për të kryer vjedhjet, i cili i ndihmonte ata të largoheshin me shpejtësi pas kryerjes së veprave të krimit.
Dy nga anëtarët e grupit u arrestuan në provincën e Monza Brianza-s, ndërsa një tjetër është shpallur në kërkim. Autoritetet italiane vazhdojnë hetimet për të zbuluar më shumë detaje mbi aktivitetin e grupit dhe për të gjetur personin e shpallur në kërkim.
