Gjykata ka dhënë masën e sigurisë për Mexhit Picarin dhe Dhurata Saliajn, babë e bijë, të cilët akuzohen për vrasjen e ish-dhëndrit Kudret Saliaj. Mësohet se Gjykata ka vendosur masën arrest me burg.
Mbi babë e bijë rëndon akuza e “vrasjes në rrethana të tjera cilësuese” dhe “armëmbajtje pa leje”.
Mexhit Picari akuzohet si autor i vrasjes së Kudret Saliajt, ndërsa vajza e tij ish-gruaja e viktimës akuzohet si bashkëpunëtore në krim.
Në sallën e gjyqit Mexhit Picari ka mohuar që vajza e tij të kishte dijeni për vrasjen. Ai ka kërkuar ndjesë për krimin e bërë.
“Kërkoj ndjesë publikisht për çfarë kam bërë edhe falje. Të më falin nipërit dhe mbesat, i kërkoj falje edhe vajzës që i vrara burrin. Dhurata s’ka patur dijeni. Pistoletën e kisha në brez dhe se mora në çantën e gocës”, ka thënë ai.
Edhe Dhurata Saliaj ka mohuar të ketë gisht në vrasje. Ajo ka deklaruar s enuk e dinte që babai i saj do kryente vrasjen, pasi në të kundërtën s’do e kishte lejuar kurrë.
“Atë ditë isha për gjykatë. S’e dija që babi do bënte vrasje. S’do e lejoja kurrë. Kudreti ishte babai i fëmijëve të mi, s’do e lejoja. Kërkoj mëshirë nga Gjykata, kam tre fëmijë për të rritur”, ka thënë Dhurata.
Mexhit Saliaj ekzekutoi më armë zjarri mesditën e së premtes ish-dhëndrin e tij Kudret Saliaj, pranë Gjykatës së Tiranës. ndërsa hetuesit kanë zbuluar se është ndihmuar edhe nga vajza e tij, Dhurata.
