Sherri me autorin e vrasjes Leonard Bashaliu nisi për shkak të një konflikti që kanë pasur 5 vite më parë.

Autori ka deklaruar në polici se viktima e kishte qëlluar me grusht para 5 vitesh dhe mëngjesin e sotëm kishte arritur të përballej me të dhe ta vriste. Ai ka treguar se ka qenë edhe në gjendje të rënduar psikologjike për shkak të situatës familjare sepse babai i tij është i paralizuar ndërsa vëllai vuan nga epilepsia.

Leonard Bashaliu dyshohet se ka qëlluar në drejtim të viktimës me 4 plumba me armë zjarri tip “Pistoletë TT”, në ambientet e një lokali duke e lënë atë fillimisht të plagosur. 45-vjeçari, Xhahysa u dërgua në spitalin e Peqinit por nuk mundi t’u mbijetojë plagëve të marra.

Autori pasi ka kryer vrasjen është larguar me qetësi nga vendi i ngjarjes dhe ka shkuar në shtëpi ku dhe është arrestuar nga policia.