Një studim i ri ka zbuluar se leximi ka një ndikim të thellë në strukturën e trurit, duke ndihmuar në zhvillimin e disa zonave kyçe të hemisferës së majtë. Kjo do të thotë se njerëzit që janë të apasionuar pas librave mund të dallohet nga anatomia e trurit të tyre, veçanërisht në lidhje me zhvillimin e zonave të lidhura me tingujt dhe kategorizimin e informacionit.

Një nga aspektet kyçe është lidhja midis leximit dhe tingujve. Shkronjat dhe të lexuarit nuk janë thjesht një proces vizual, por gjithashtu lidhen ngushtë me tingujt. Për këtë arsye, individët që lexojnë shpesh kanë një lob temporal më të zhvilluar në hemisferën e majtë të trurit, që ndihmon në përpunimin e tingujve dhe informacionit.

Ky proces ka rëndësi të veçantë për fëmijët, pasi një zhvillim i dobët i kësaj zone mund të jetë një simptomë e disleksisë. Studimi sugjeron se duke lexuar rregullisht, individët mund të stimulojnë zhvillimin e kësaj zone të trurit, e cila mund të ndihmojë në parandalimin e disa çrregullimeve të të mësuarit, siç është disleksia.