Julia Ilirjani, kushërira e Elton Ilirjanit, ka reaguar ndaj kritikave në rrjetet sociale lidhur me publikimin e pamjeve nga takimi i shumëpritur mes Parashqevi Simakut dhe djalit të saj, Luke.

Përmes një postimi në Instagram Story, Julia ka sqaruar se çdo foto dhe video e publikuar nga ky moment ka qenë e kontrolluar dhe e miratuar nga Luke, Robert dhe Parashqevi Simaku.

Deklarata e plotë e Julia Ilirjanit:

“Kam dëgjuar dhe lexuar këto ditë shumë urime, bekime dhe fjalë të mira për ndihmën që po i jepet këngëtares Simaku në rrjete sociale, por edhe mesazhe që unë në faqen time i kam marrë. U përfshiva në këtë ngjarje pa dhe me dashje. Kështu që, dua t’ju falenderoj të gjithëve që ishit dashamirës për historinë e saj dhe më në fund, me ngjarjen e madhe që një nënë mund të ketë, takimin me fëmijën e vet. Faleminderit të gjithëve dhe Zoti jua shpërbleftë në të mira… Por (ka gjithmonë një por), por edhe disa që nuk janë dakord me këtë ‘shfaqje’.

“Për fat të keq, me gjithë përpjekjet tuaja për të hedhur baltë mbi mirësinë e Elton Ilirjanit dhe me dëshirën e madhe dhe dëshpëruese për vëmendje, fotot dhe videot e hedhura sot nga takimi me djalin e saj dhe Robertin, kanë qenë të kontrolluara dhe të aprovuara nga Luke, Robert dhe Parashqevi. Kështu që, mos u mundoni kaq shumë të tërhiqni vëmendje me asgjë. Bëni ndonjë gjë tuajën, hapeni zemrën dhe gëzuar Vitin e Ri. Zoti qoftë me të gjithë ne”.

Ky reagim vjen pasi disa ndjekës ngritën shqetësime se momenti i ndjeshëm i ribashkimit ishte shfrytëzuar për vëmendje mediatike. Julia ka sqaruar se çdo veprim është bërë me miratimin dhe aprovimin e palëve të përfshira, duke i dhënë fund spekulimeve.