Deputetja e Partisë Lëvizja Socialiste për Integrim (PL), Monika Kryemadhi, ka deklaruar se nuk ka uruar bashkëshortin e saj, Ilir Meta, për Vitin e Ri, duke theksuar se janë në proces divorci dhe nuk ka arsye për një urim mes tyre. Kryemadhi u shpreh se “nuk kam si të uroj një njeri që nuk ka lidhje me mua,” duke lënë të kuptohet distancën që ka krijuar pas shpalljes së këtij procesi.

Gjithashtu, Kryemadhi e ka bërë të qartë se armiqtë e saj janë ata që, sipas saj, kanë shpifur dhe përhapur informacione të rreme për të, dhe tha se do të marrin përgjigjen që meritojnë gjatë vitit 2025. “Armiqtë janë ata që kanë shpifur kundër Monika Kryemadhit,” theksoi ajo, duke e lidhur këtë me zhvillimet e ardhshme që priten gjatë këtij viti.

Në këtë kontekst, Kryemadhi i bëri thirrje për drejtësi ndaj atyre që, sipas saj, kanë përhapur akuza të pabaza kundër saj.