Moderatorja Valbona Mhilli, e cila është bërë pjesë e edicionit të Big Brother VIP, ka bërë të qartë se nuk është e interesuar të krijojë lidhje dashurore brenda shtëpisë, duke refuzuar pëlqimet e dy djemve, Laertit dhe G Ban. Gjatë një bisede me konkurrenten Danjën, Valbona u shpreh se nuk ka ndërmend të ndjekë asnjë lidhje dhe theksoi se nuk është e interesuar për të dashur dhe as për të krijuar një marrëdhënie me asnjë prej konkurentëve.

“Nuk jam e interesuar, nëse duan të më trajtojnë si shoqe le të më flasin. Unë për të dashur dhe për burrë nuk dua asnjë njëri fare. Mos më fiksojë njëri zero, nuk dua të më fusin mua në këtë gjë. Nuk kam ardhur për burrë, as nuk kam rënë në dashuri, nuk dua as njërin as tjetrin,” ka deklaruar Valbona.

Ajo gjithashtu ka shtuar se nëse shoqërinë e saj djemtë e kanë marrë për dobësi, ky është problem i tyre dhe se nuk do të lejojë që të shfrytëzohet. “Nëse shoqërinë time e kanë marrë për dobësi dhe batutat e mija është problem i tyre, mua ping-pong nuk më bëjnë dot, unë nuk jam kukull e askujt,” tha Valbona.