Një ngjarje tragjike ka tronditur Londrën juglindore, ku një 14-vjeçar humbi jetën pas një sulmi me thikë në një autobus në Woolwich. Policia Metropolitane ka konfirmuar lajmin dhe ka nisur një hetim të menjëhershëm për zbardhjen e rrethanave të incidentit.

Sipas deklaratës zyrtare, ngjarja ndodhi të martën rreth orës 14:28 në një autobus të linjës 472, në rrugën Woolwich Church Road, pranë kryqëzimit me A205 South Circular Road.

Pavarësisht ndihmës së parë të ofruar në vendngjarje, i mituri nuk arriti të mbijetonte për shkak të plagëve të rënda.

Autoritetet po punojnë për të identifikuar autorin dhe kanë bërë thirrje për çdo dëshmitar që ka informacion të paraqitet pranë policisë për të ndihmuar në hetim. Ngjarja ka shkaktuar reagime të forta në komunitetin lokal, duke ngritur edhe një herë shqetësimin për sigurinë publike dhe dhunën me thikë në kryeqytetin britanik.