Një ulje emergjente ka ndodhur të martën në aeroportin Vnukovo të Moskës, pasi një avion i linjës Utair që po fluturonte nga Shën Petersburg drejt Samarkand në Uzbekistan pati një problem teknikal gjatë fluturimit. Avioni kishte 173 pasagjerë në bord, por gjithçka përfundoi pa incidente, pasi u ul i sigurt në Vnukovo.

Sipas njoftimit të agjencisë ruse të lajmeve RIA, linja ajrore Utair e konfirmoi se ulja e detyruar ndodhi për shkak të një mosfunksionimi të stabilizatorit, një komponent i rëndësishëm për qëndrueshmërinë e fluturimit.

Aktualisht, industria ajrore ruse po përballet me vështirësi për shkak të sanksioneve perëndimore që ka ndërprerë furnizimin me avionë dhe pjesë rezervë, një situatë që është përkeqësuar nga mungesa e prodhimit vendas për të zëvendësuar këto materiale. Pavarësisht këtyre sfidave, kërkesa për udhëtime ajrore në Rusi është rritur, duke shkaktuar shqetësime për sigurinë e fluturimeve.