Olsa Muhameti, autorja e edicionit të Big Brother VIP Kosova, ka reaguar në mënyrë të veçantë pas hyrjes së Gjestit në Big Brother VIP Albania. Përmes një Instastory në Instagram, Olsa ka postuar një foto nga një destinacion malor me borë, ku thekson se po menaxhon dy edicione të Big Brother-it njëkohësisht. Ky reagim duket si një thumb i drejtuar për Big Brother VIP Albania, ndërsa Olsa e ka theksuar vështirësinë e menaxhimit të dy projekteve të mëdha njëkohësisht.
“Duke pushuar disa orë sot, se ta mendosh po mbaj dy Big Brother-a, jo vetëm një. Uhhh, sfilitëse!” – ka shkruar Olsa krahas fotos, duke reflektuar lodhjen dhe përgjegjësinë që ka në këtë periudhë.
Nuk dihet ende nëse ky koment nënkupton një bashkëpunim mes dy produksioneve, apo se kalimi i Gjestit në Tiranë ishte i paplanifikuar. Gjesti, i cili ishte eliminuar nga edicioni i Big Brother VIP Kosova vetëm pak orë përpara se të hynte në Big Brother VIP Albania, ka surprizuar të gjithë me këtë lëvizje të papritur.
