Tharja e syrit është një gjendje e zakonshme që prek miliona njerëz në mbarë botën, duke shkaktuar parehati dhe shqetësime në përditshmëri. Kjo ndodh kur sytë nuk prodhojnë mjaftueshëm lotë ose kur cilësia e lotëve nuk është e mirë.

Shkaqet kryesore të tharjes së syve

• Përdorimi i pajisjeve elektronike: Telefonat celularë, kompjuterat dhe tabletat ndikojnë në tharjen e syve, pasi ul frekuencën e të rrahurave të qepallave.
• Mjediset e thata: Ajri i kondicionuar, udhëtimi me avion ose ekspozimi ndaj erës dhe pluhurit.
• Faktorët mjekësorë: Disa ilaçe dhe sëmundje autoimune mund të ndikojnë në tharjen e syrit.
• Aktivitetet e caktuara: Ngasja e biçikletës apo qëndrimi për një kohë të gjatë para kompjuterit.

Simptomat kryesore

• Djegie dhe kruarje në sy.
• Ndjeshmëri ndaj dritës.
• Ndjesia e një lënde të huaj në sy.
• Sklepa ose lëngëzim të tepërt të syrit.
• Lodhje dhe mjegullim të shikimit.

Kura natyrale kundër tharjes së syrit

1. Acidet yndyrore omega-3
   • Konsumoni ushqime si peshku yndyror (salmon, sardele) dhe fara chia për të stimuluar prodhimin e lotëve dhe për të reduktuar inflamacionin.
2. Vaji i arrës së kokosit
   • Aplikoni dy deri në tre pika rreth syve dhe masazhojeni për disa minuta. Ky vaj ndihmon në zbutjen dhe reduktimin e inflamacionit.
3. Feta kastraveci
   • Vendosni feta të freskëta kastraveci mbi sytë për 15 minuta për të ulur kruarjen dhe skuqjen.
4. Kosi
   • Ngrënia e kosit të pasur me vitamina D, B dhe A ndihmon në ushqimin e syve dhe redukton simptomat e tharjes.
5. Kompresa me ujë të ngrohtë
   • Mbani një peshqir të ngrohtë mbi sytë për 7-8 minuta. Ngrohtësia përmirëson qarkullimin e gjakut dhe ndihmon në lubrifikimin e syve.

Rekomandime shtesë

• Përdorni pika lotësh artificialë për të lehtësuar simptomat.
• Shmangni ekspozimin ndaj tymit dhe ajrit të thatë.
• Bëni pauza të rregullta gjatë përdorimit të pajisjeve elektronike duke ndjekur rregullin 20-20-20 (çdo 20 minuta, shikoni një objekt në largësi 20 metra për 20 sekonda).

Me trajtimin e duhur dhe ndryshimet në stilin e jetës, tharja e syve mund të menaxhohet me sukses.